Uzinduzi wa taasisi ya marehemu Steven Kanumba ijulikanayo kwa jina la Kanumba The Great Foundation utafanyika aprili 7 kwenye ukumbi maarufu wa Dar live ulioko Mbagala Dar es Salaam
Pamoja na uzinduzi huo,pia itakua ni siku pia ya kuadhimisha miaka miwili tokea Gwiji wa Filamu Tanzania Steven Kanumba afariki dunia
Akizungumza na waandishi wa habari jana,mama mzazi wa marehemu Steven Kanumba,Frola Mtegoa alisema kuwa wameamua kuanzisha taasisi hiyo ili kumuenzi mtoto wake na kukumbuka kile alichojua akikifanya enzi za uhai wake.
Alisema taasisi yao itajihusisha na utoaji wa elimu,kusaidia watoto yatima,kuibua vipaaji vya waigizaji chipukizi na kuviendeleza na mambo mbalimbali ya kijamii na tasnia ya filamu na muziki.
Mama mzazi wa Kanumba amesema wameamua kuipa jukumu kampuni ya VanneddrickTanzania Limited kufanya uzinduzi wa taasisi hiyo kutokana na uadilifu na jinsi inavyojihusisha na mambo mbalimbali katika jamii!
Mkurugenzi mkuu wa Vannedrick Tanzania Limited,Fredrick Mwakalebela alisema siku hiyo mbali ya kuwa na Red Carpet,pia kutakua na burudani mbalimbali za muziki wa dansi,kizazi kipya na vichekesho kutoka kwa wasanii maarufu wa vichekesho nchini..Pia kutakua na maonyesho ya filamu mbalimbali za marehemu Steven Kanumba,script pamoja na nyombo alizokuwa akiandika yeye mwenyewe.
Pamoja na hayo pia kutakuwa na burudani kutoka Bongo muvie ambao wameshaanza maandalizi ya siku hiyo.
Na Mjumbe Jr
Mbeya
Post a Comment