TASWIRA HARISI PICHANI:AIRASIA QZ8501 MIILI YAANZA KUWASILI INDONESIA!

Wanajeshi wakiwa wamebeba miili ya mwanzo ya watu waliokufa katika Ndege ya AirAsia. MIILI ya mwanzo ya watu wawili waliokuwa kwenye Ndege ya AirAsia QZ8501 imewasili leo jijini Surabaya, Indonesia ambapo ndugu na jamaa wanasubiri kwa utambuzi. Ndege hiyo aina ya Airbus A320-200, ilipotea Jumapili iliyopita ikiwa imebeba watu 162 ikitokea Surabaya kwenda Singapore, ambapo baadhi ya miili imeanza kupatikana jana katika Bahari ya Java. Watu 155 kati ya 162 waliokuwa katika ndege hiyo ni raia wa Indonesia.

Baadhi ya mabaki ya Ndege ya AirAsia yakiwa Uwanja wa Ndege wa Pangkalan Bun, Indonesia leo.

Mwili wa mmoja wa watu waliokuwa kwenye ndege ya AirAsia ukielea katika Bahari ya Java.

Maofisa wa Kikosi cha Uokoaji wakiichunguza ramani inayoonyesha eneo ilipokutwa miili ya watu waliokuwa katika AirAsia.