YALIYO MKUTA WAZIRI WA JK KWENYE UAPISHAJI WA SERIKARI ZA MITAA!

Kitaifa

Waziri wa JK yamkuta

Share bookmark Print Email Rating

Naibu Waziri wa Kazi, Ajira na Maendeleo ya Vijana, Dk Makongoro Mahanga akisindikizwa na Polisi kutoka katika Ukumbi wa Arnautoglu Dar es Salaam jana, baada ya mafuasi wa Umoja wa Katiba ya Wananchi kumzonga alipokwenda kuhudhuria hafla ya kuapishwa wenyeviti wa Serikali za Mtaa wa Halmashauri ya Wilaya ya Ilala. Picha na Salim Shao 

Posted  Alhamisi,Januari8  2015  saa 9:36 AM

Kwa ufupi

Walipoulizwa sababu ya kumzomea mbunge huyo, baadhi wa wananchi walisema hawana imani naye wakidai alichakachua matokeo ya mwaka 2010.

SHARE THIS STORY

0
inShare

Dar es Salaam. Wakati utata ukizidi kujitokeza katika uapishaji wa viongozi wa Serikali za Mitaa Mkoa wa Dar es Salaam kutokana na waliodaiwa kushinda kuwekwa kando na kuapishwa walioshindwa, Naibu Waziri wa Kazi na Ajira, Dk Makongoro Mahanga jana alikumbana na zomeazomea hadi kulazimika kuondoka kwenye Ofisi za Manispaa ya Ilala, Arnatouglou ambako shughuli hiyo ilikuwa ikifanyika.

Dk Mahanga ambaye pia ni Mbunge wa Segerea (CCM), alizomewa akitakiwa kuondoka katika eneo hilo, akidaiwa kwamba angebadilisha matokeo na kuwapa ushindi wagombea wa chama chake.

Eneo hilo lilijaa wafuasi wa Chadema, CUF na CCM huku kila kundi likiwa limesindikiza wenyeviti wake kuapishwa katika shughuli ambayo ilifanyika kwa awamu tatu kwa kila jimbo; Segerea, Ilala na Ukonga kupewa saa mbili.

Waziri Mahanga aliwasili wakati wa zamu ya Segerea saa saba mchana, ndipo kundi la mashabiki wa upinzani lilipoanza kumzomea na kuimba nyimbo za kumkashifu na kutaka atoke katika ukumbi ulioandaliwa kwa ajili ya kuwaapisha wenyeviti.

“Escrow... escrow... ondoka, hatukutaki. Hapa hakieleweki mpaka uondoke, hatutaki uchakachuaji wako...” zilisikika sauti za watu mbalimbali huku zikiimba nyimbo mbalimbali kumfukuza mbunge huyo ukumbini.

Baada ya dakika takriban 25 za kelele hizo, waziri huyo alinyanyuka na kuondoka huku wananchi hao wakimsindikiza kwa nyimbo hizohizo na polisi wakifanya kazi yao ya kuhakikisha hadhuriki.

Wakati akiondoka, Dk Mahanga alikisogelea kikundi kimoja kilichokuwa kinahoji alichokuwa amefuata wakati shughuli ya uapishaji wenyeviti haimhusu na kujibu: “Wenyeviti wangu 59 wa Jimbo la Segerea wanaapishwa leo. Kwa nini nisihudhurie? Kelele hizi zinaonyesha jinsi gani ninavyotikisa jiji la Dar es Salaam.”

Baadaye akionekana mwenye kujiamini, mbunge huyo alikatisha katikati ya kundi la mashabiki waliokuwa wakimzomea na kuingia katika gari lake na kuondoka.

Kelele ziliendelea hadi gari la kiongozi huyo lilipotoweka kabisa katika viwanja hivyo.

Walipoulizwa sababu ya kumzomea mbunge huyo, baadhi wa wananchi walisema hawana imani naye wakidai alichakachua matokeo ya mwaka 2010.

Mmoja wa wananchi hao, Mohamed Said alisema alipofika katika ofisi za halmashauri, dhana iliyomjia kichwani ni uchakachuaji. Aliongeza kuwa kuwapo kwa Dk Mahanga kungesababisha vurugu kubwa bila sababu.

“Mbona katika maeneo mengine wanakoapishwa wenyeviti wabunge wao hawajaenda, yeye amefuata nini?” alihoji.
MWANANCHI