Na Maiko Luoga Njombe ,Waziri mkuu wa Tanzania Mh, Mizengo Pinda hapo kesho February 24 mwaka huu anatarajiwa kuwasili katika mji mdogo wa makambako katika mkoa wa Njombe Kuwa mgeni rasmi katika mkutano wa hadhara utakaofanyika katika viwanja vya polisi mjini hapa kwaajili ya uzinduzi wa zoezi la uandikishaji wa wananchi katika daftari la kudumu la wapiga kura.
Zoezi la kujiandikisha katika daftari la kudumu la wapigakura limeanza rasmi mapema hii leo katika vituo mbalimbali vilivyopo katika halmashauri ya mji mdogo wa makambako katika mkoa wa Njombe Ambapo Waziri pinda atazindua rasmi zoezi hilo hapo kesho ikiwemo ni pamoja na kuzungumza na kutoa elimu kwa wananchi mjini Makambako juu ya faida au umuhimu wa zoezi hilo.
Mapema hapo jana wananchi mjini Njombe walizungumzia juu ya ucheleweshwaji wa vifaa/ Vitendea kazi kuwasili mkoani hapa kwaajili ya kuanza kwa zoezi hili huku baadhi yao wakiwa hawana uelewa juu kuandikisha wapiga kura kwa kutumia mashine za kielektroniki BVR.
Ikumbukwe kuwa kwa Mkoa wa Njombe zoezi hilo litaendelea hadi March 1 mwaka huu na kwa kila halmashauri zitatumika siku saba kukamilisha kazi hii mda ambao wananchi wamedai kuwa hautatosha kukamilisha zoezi hili.
Katika hatua nyingine wananchi wa vyama vya upinzani katika kata ya Lyamkena Halmashauri ya Mji mdogo wa Makambako hapo jana wakiwa katika mkutano wa pamoja walisusia kupokea Katiba inayopendekezwa kwaajili ya kuipitia ili kuweza kuipigia kura kwa madai kuwa katiba hiyo ipo tofauti na maoni na mapendekezo ya wananchi wa Tanzania hivyo walisema kuwa wakabidhiwe wananchi wengine wao Ukawa Hawawezi kuitumia.
Mwishooooo,
MJUMBE BLOG
Tunashukuru kwa kutupa fursa ya kukuhudumia,kwa picha,Matangazo,Habari mpya kila mara endelea kututembelea mtandaoni
Post a Comment