ORODHA YA NYOTA NANE WALIO TEMWA NA MBEYA CITY HII HAPA!

MBEYA CITY YATEMA NYOTA NANE Mbeya City imetangaza kuwaacha wachezaji wanane waliotumikia timu hiyo katika msimu uliopita kwa sababu mbalimbali ikiwamo ya kumaliza mikataba yao. Katibu Mkuu wa Mbeya City, Emmanuel Kimbe alisema juzi jioni kwamba katika kikao cha bodi kilichokaa Juni 19 mwaka huu kiliazimia kuwa klabu hiyo imefunga rasm usajili kwa msimu ujao. Kimbe aliwataja wachezaji ambao muda wao wa kuendelea kuitumikia klabu umefika tamati ni Aziz Sibo mkataba wake umekwisha Mei 31 na Mohammed Suleiman amepangiwa majukumu mengine ambayo hakutaka kuyataja. Wengine ni Baraka Haule, Francis Casto, Jeremiah Mangasini, Richard Brown, Yusuph Wilson na Geogrey Jackson wametolewa kwa mkopo. Kimbe alisema wamefanya hivyo kutokana na klabu kuwa na mipango ya kupunguza kikosi kwa lengo la kuwa na kikosi kidogo na chenye ufanisi na kwa kuzingatia klabu kwa msimu uliomalizika na msimu ujao kutokuuza wachezaji wake ambao bado wana mikataba. • Godfrey Kahango