KABILA, A KINSHASA!"
" Ndombolo Ya Joseph Kabila, A Kinshasa!"
Ndugu zangu,
Joseph Kabila yuko matatani.
Picha za
televisheni za mashirika makubwa duniani
zinaonyesha machafuko Kinshasa. Ni machafuko
yaliyotokana na maandamano ya wananchi
kumpinga Kabila kubadili Katiba ili aendelee
kutawala. Watu 40 inasemekana wamepoteza
maisha.
Joseph Kabila, anaelekea kufuata mkondo wa
watawala wengi wa Afrika, kuwa wakiingia
madarakani, huwa wana hofu kubwa ya
kuondoka madarakani. Safari hii Joseph Kabila
anaonekana kuwa na wakati mgumu.
Hata kama si kwa maandamano ya mitaani,
Wakongo wana namna nyingi za kuonyesha
kutoridhishwa na watawala. Moja ya njia hizo ni
kupitia muziki. Laurent Kabila, baba yake Joseph
Kabila, naye ilimchukua muda mrefu kufahamu,
kuwa staili ya muziki iliyoitwa ' Ndombolo'
kimsingi ilichezwa kwa staili ya nyani asiye na
uwezo wa kufanya chochote. Ilimhusu Laurent
Kabila mwenyewe.
Na hata miondoko ya Ndombolo ilikuwa ni ya
kejeli kwa Laurent Kabila. Rais Laurent Kabila
alikuwa akitembea mguu mmoja ukionyesha
kusuasua. Hatimaye, Ndombolo kama staili ya
miondoko ya densi, ilipigwa marufuku!
Na Afrika changamoto kubwa ya marais
walioingia madarakani wakiwa vijana sana, kama
Joseph Kabila ( DRC) ,Yahya Jammeh ( Gambia)
na Blaise Compaore ( Burkina Faso), ni ukweli,
kuwa huwa na hofu ya kwenda kuishi maisha ya
nje ya Ikulu wakiwa hata hawajafikisha miaka
50, na kwamba huwa na hofu ya mfumo mpya
utakaokuja nyuma yao kuja kuwashughulikia.
Kwao, njia pekee ya kuepuka wanayoyahofia, ni
kubaki madarakani, kwa udi na uvumba!
Inasikitisha.
Maggid.
MJUMBE BLOG tupo mtandaoni kila siku Tukikukusanyia Picha,Habari mpya,Taarifa Muhimu,Matangazo yanayo jiri nchini na nje ya nchi.
Post a Comment